Gallai rhywun rydych chi'n ei adnabod fod yn gyfatebiaeth berffaith i glaf sydd angen trawsblaniad mêr esgyrn. Lledaenwch y neges cysylltwch â ni..
Diolch am ein helpu i achub bywydau. Drwy wneud apwyntiad i roi gwaed, rydych chi’n helpu pobl ar draws Cymru i gael ail gyfle mewn bywyd.
Boed eich rhodd gyntaf, eich ail rodd neu eich ugeinfed rhodd, mae pob rhodd o waed yn cyfrif. Hebddoch chi, ni fyddai llawer o gleifion yn fyw heddiw, felly rydym yn ddiolchgar iawn eich bod chi wedi dewis cymryd amser allan o'ch diwrnod i helpu'r rheini mewn angen.
Diolch yn fawr, gan bawb yng Ngwasanaeth Gwaed Cymru ac ar ran cleifion ar draws y wlad, am drefnu apwyntiad i roi gwaed.
Darllenwch yr wybodaeth bwysig hon cyn i chi roi gwaed.Nid dim ond ni yng Ngwasanaeth Gwaed Cymru sy'n ddiolchgar am eich rhoddion gwaed, ond y miloedd o bobl sydd wedi cael eu bywydau wedi’u hachub diolch i'ch haelioni. Ond peidiwch â chymryd ein gair ni - dyma gasgliad o bobl sydd wedi derbyn rhodd achub bywyd.
Nawr bod eich apwyntiad wedi'i drefnu, gallwch ein helpu i sicrhau bod lefelau ein stociau gwaed yn cael eu cadw'n iach mewn ffyrdd eraill. Gallwch ein cefnogi, a sicrhau bod digon o waed ar gael i gleifion ar draws Cymru sydd ei angen, drwy annog pobl eraill i ddod yn rhoddwyr gwaed ac i drefnu apwyntiad hefyd.
Beth am ddweud wrth eich ffrindiau a'ch teulu am eich apwyntiad, neu roi poster yn eich ystafell staff i annog eraill i roi gwaed?
Rhagor o wybodaeth am sut y gallwch barhau i gefnogi Gwasanaeth Gwaed Cymru a helpu i achub mwy o fywydau yng Nghymru.
Unwaith y byddwch wedi cofrestru i roi gwaed, gallwch ddarganfod beth i'w ddisgwyl yn eich apwyntiad, a dysgu am y broses o roi gwaed ar ein gwefan. Os mai dyma'r tro cyntaf i chi roi gwaed neu os ydych chi eisiau mynd dros beth sy'n digwydd, yna dilynwch ein dolen i gael gwybod mwy am beth i'w ddisgwyl wrth roi gwaed yn un o'n canolfannau rhoi gwaed.
Boed yn edrych ymlaen at roi eich rhodd gyntaf, wedi rhoi o’r blaen neu’n gefnogwr brwd, dyma gasgliad o straeon ysbrydoledig i ddangos y gwahaniaeth anhygoel mae rhoi gwaed yn ei wneud.
